Lotteri- og stiftelsestilsynets visjon er å verne verdiar. Vi skal vere eit kompetent og objektivt tilsyn som effektivt forvaltar, kontrollerer og fører tilsyn med stiftelsar, lotteri og pengespel i Noreg. Dette skal vi gjere gjennom å vere truverdige, hjelpsame og samhandlande. Visjon, mål og verdiar er forankra i leiinga og i organisasjonen.

Vi vil bli oppfatta som truverdige gjennom

  • å vere ryddige i alt vi kommuniserer
  • å utøve mynde på ein måte som gir tiltru og legitimitet
  • å byggje vedtak på god kunnskap og godt skjøn
  • å ha mest mogleg lik og påliteleg sakshandsaming

Vi vil bli oppfatta som hjelpsame gjennom

  • å ha gode servicemål som møter brukarane sine forventningar
  • å gje korrekt og nok informasjon til rett mottakar så tidleg som råd
  • å vere ei open forvaltning og praktisere meiroffentlegheit
  • å dele kunnskap og kompetanse
  • å utvikle ei god lagånd i avdeling og mellom avdelingar

Vi vil bli oppfatta som samhandlande gjennom

  • gode nettverk, konferansar og møte
  • gode løysingar på nettsidene våre
  • aktiv kunnskapsdeling med andre offentlege etatar og private aktørar
  • å utvikle ein hjelpsam kultur