– Blokkering av ulovlege nettstader vil bidra til at færre får speleproblem, seier Silje Sægrov Amble i Lotteritilsynet.
For å beskytte norske spelarar har Stortinget bestemt at nettstader med ulovlege pengespel skal DNS- blokkerast.
Kort forklart betyr DNS- blokkering at du kjem til ei nettside hos internettilbydaren din, framfor pengespelsida du forsøkte å nå.
No startar første runde med blokkeringar. Lotteritilsynet har hatt tilsyn, og 57 nettstader blir blokkerte. 23 selskap står bak sidene.
– Blokkering av ulovlege nettstader vil bidra til at færre får speleproblem. Det er desse spela som har høgast risiko. Dei er designa for at du skal bli hekta, og du kan tape veldig mykje pengar på kort tid, seier Silje Sægrov Amble, jurist i Lotteritilsynet.
Slik ser det ut om du går inn på ei nettside som er blokkert:
Ser alt effekt
DNS- blokkering har allereie effekt.
I haust åtvara Lotteritilsynet nær 50 selskap om at rundt 100 av nettstadene deira risikerte blokkering. På nær 40 av desse nettstadene har selskapa sjølve gjort endringar, som gjer at sidene ikkje lenger er ulovlege.
Fleire store selskap har trekt seg ut av den norske marknaden.
– Det blir stadig vanskelegare å vere ulovleg spelselskap i Noreg. Det er fleire grunnar til det. TV- reklamen er borte, og norske bankar stoppar innsats og gevinst til og frå desse selskapa.
Sjå etter spelmerket for å vere sikker
5 av 10 nordmenn veit ikkje eller er usikre på kva selskap som har lov å tilby pengespel i Norge, viser målingar Sentio gjer for Lotteritilsynet.
– Då veit dei heller ikkje om risikoen. Vi trur dei fleste ønsker informasjon om at dei er på veg inn på eit ulovleg spel. Derfor er DNS- blokkering også eit informasjonstiltak, seier Amble.
Lotteritilsynet skal ha fleire tilsyn. Det er fleire ulovlege pengespel som er retta mot Norge, og det kjem til nye.
-Det betyr at det kan vere nettstader som er ulovlege, men ikkje blokkerte.
Om du spelar på nett og vil sjekke at du spelar hos ein lovleg aktør- sjå etter dette merket:
