Vi inviterer til frukostseminar 28. januar, frå klokka 08.15 til 10.00 i Gymsalen på Sentralen i Oslo.
På oppdrag frå Lotteri- og stiftelsestilsynet har Menon Economics kartlagt kva dokumentasjonskrav frivillige organisasjonar møter når dei søker om og rapporterer på tilskot. Undersøkinga ser både på statlege tilskotsordningar og ikkje-statlege tilskotsordningar. I sistnemnde kategori er både kommunar, stiftelsar og sparebankstiftelsar representert.
Rapporten vil gi eit solid kunnskapsgrunnlag med forslag til tiltak som kan redusere dokumentasjonsbyrda frivillige organisasjonar opplever i dag. Vi identifiserer potensialet for å forenkle for organisasjonane både på kort og lang sikt.
Etter at rapporten med forslag til tiltak er presentert blir det panelsamtale. Vi legg ut program for seminaret så snart det er klart.
Frist for å melde seg på er 13. januar 2026.