Stiftelsar har generell rekneskapsplikt etter rekneskapslova. Vi har laga ein rettleiar for revisorar, som du finn nedst på sida.
Plikt til å levere rekneskap
Årsrekneskap og årsmelding skal vere fastsett innan seks månader etter rekneskapsåret er avslutta, generelt innan 30. juni. For å unngå forseinkingsgebyr må årsrekneskapen med notar, årsmelding og revisjonsmelding sendast til Rekneskapsregisteret seinast 31. juli i året etter rekneskapsåret.
Rekneskap kan berre sendast inn elektronisk via Altinn. Årsrekneskap, årsmelding og revisjonsmelding skal ikkje sendast til Stiftelsestilsynet.
Unntak for små føretak
Etter endringar i rekneskapslova frå 1. januar 2018, er små foretak ikkje lenger pliktige til å utarbeide årsberetning. Desse reglane gjeld for stiftelsar som reknast som små føretak, etter rekneskapslova § 1-6.
Les meir om endringane i rekneskapslova på regjeringen.no.
Må ha revisor
Alle stiftelsar må bruke ein statsautorisert revisor som er registrert hos Finanstilsynet.
Informasjon om val av revisor og revisor sine plikter finn du i stiftelseslova §§ 43 og 44. Merk at det er unntak for stiftelsar der kommunar oppnemner styrefleirtalet.
Revisor skal løpande sende kopi av nummererte brev, som nemnt i revisorlova § 9-5, til Stiftelsestilsynet. Desse sendast til postmottak@lottstift.no, eller via Digipost dersom de ønsker ein sikrare kanal enn epost.
Ny rettleiar for revisjon av stiftelsar
Stiftelsestilsynet har laga ei rettleiing for revisorar. Denne gir oversikt over spesielle plikter i forbindelse med revisjon av stiftelsar, og er meint som eit nyttig verktøy for revisorar i revisjonsarbeidet.
Her finn de rettleiaren. Del den gjerne med revisoren til stiftelsen.