Rekneskapsrapportering for førehandsgodkjende organisasjonar

Organisasjonar som har godkjenning til å tilby eller motta overskot frå lotteri og pengespel skal årleg rapportere rekneskapsopplysningar. No er det på tide å levere for 2024. Frist er 1.juni 2025.

Det er 3 257 organisasjonar som no har godkjenning etter pengespellova. Desse skal kvart år levere inn rekneskapsopplysningar. Rapporteringsplikta er forankra i Pengespellova og tilhøyrande forskrift.

Korleis skal du rapportere?

Du skal rapportere for rekneskapsåret 2024.

Ved avvikande rekneskapsår, skal organisasjonen rapportere frå regnskapet som blei avslutta det gjeldande rekneskapsåret, dvs at dersom organisasjonen har rekneskapsår som går frå f.eks juni til august så skal organisasjonen levere det siste godkjende rekneskapet.

Rekneskapen kan berre rapporterast elektronisk, jf. pengespelforskrifta § 88.

Kvifor må organisasjonen rapportere rekneskap?

Etter pengespelforskrifta, skal organisasjonar som er førehandsgodkjent, føre rekneskap. Organisasjonen skal innan 1. juni kvart år, sende rekneskapsopplysningane til Lotteritilsynet.

Kva må du rapportere?

Organisasjonane skal kunne dokumentere alle inntekter og utgifter, og skal ha oversikt over eigendelar og gjeld.

I rekneskapsskjema som skal sendast inn, skal de føre inn dei samla inntektene og utgiftene til organisasjonen for 2024. I tillegg skal overskot frå pengespel registrerast i skjemaet (dette er ein del av dei samla inntektene). Dette gjeld inntekter frå:

• løyve til bingo med medhjelpar (tidlegare omtala som entreprenørbingo)
• løyve til bingo utan medhjelpar (tidlegare omtala som foreiningsbingo) med omsetning over kr 200 000
• løyve til radio/tv-bingo med omsetning over kr 200 000
• løyve til lotteri med omsetning over kr 200 000
• avhalde pengespel (lotteri) med omsetning under kr 200 000 (tidlegare omtala som smålotteri)

Du må sende inn rekneskapsskjema sjølv om organisasjonen ikkje hadde pengespel i 2024.

Organisasjonen skal også gje ei kort oversikt over korleis inntektene frå pengespel vart disponert i 2024.

Kven i organisasjonen kan rapportere?

Den som er registrert i Enhetsregisteret som dagleg leiar, eller er styremedlem i organisasjonen, har fullmakt til å levere elektronisk gjennom Altinn.

Dagleg leiar/styreleiar for organisasjonen kan delegere fullmakt. Endring av opplysningar som gjeld organisasjonen, må rettast til Brønnøysundregistrene. Det er viktig at opplysningar om organisasjonen til ei kvar tid er korrekt i Enhetsregisteret i Brønnøysund.