Høyr historia hans på Speleansvarskonferansen på The Hub i Oslo 16. oktober.
Peter Shilton er nok mest kjent for å ha stått i mål då Diego Maradona skåra mål med handa i VM i 1986, men den britiske keeperlegenda er den landslagsspelaren med flest kampar i engelsk ligasystem.
I 45 år hadde han problem med pengespel. Kona Steph, som han gifta seg med for 10 år sidan, oppdaga problema. Ho tvinga han til å ta tak i det, og han har no vore spelefri i 8 år. Begge to kjem til speleansvarskonferansen.
– Det er ei sterk personleg historie, og på same tid gjer dei mykje for å hjelpe andre, seier Tore Bell, avdelingsdirektør i Lotteritilsynet.
![Bilde av Tore Bell, som er avdelingsdirektør i Lotteritilsynet.](https://lottstift.no/content/uploads/2023/04/Tore-Bell-1024x683.jpg)
Den siste befolkningsundersøkinga som er gjort viser at 23 000 nordmenn har problem med pengespel, og rundt 93 000 er i risiko for å få det.
-Målet med konferansen er å belyse ulike sider av ansvarleg spel, kva som skaper speleproblem og korleis konsekvensane kan begrensast, seier Bell.
Inn i fotballgarderoben
Fotballspelarar er ei gruppe som blir via ekstra merksemd i handlingsplanen mot speleproblem, og eit av hovudtemaa for årets konferanse.
– Vi veit at mange i fotballmiljøet speler pengespel, og at ein del får problem, seier Bell.
I regi av Norsk Tipping og Norsk Toppfotball reiser Freddy dos Santos og Per Einar Karlsen rundt til norske fotballklubbar for å snakke med dei om speleproblem. Korleis reaksjonane har vore skal dei to fortelje meir om på konferansen.
![Per Einar Karlsen i Norsk Tipping og Freddy Dos Santos snakker med hverande ute på en stadion](https://lottstift.no/content/uploads/2024/07/1-1024x903.jpg)
Pårørande som hjelper andre
Speleproblem kan ramme heile familiar hardt. På Speleansvarskonferansen får du møte fleire pårørande som har brukt erfaringane sine til å hjelpe andre.
Fredrik Thorbjørnsen Lillejordet brukte teknologikompetansen sin til å utvikle appen Spillefri.
Lill- Tove Bergmo oppretta det som no er landets største frivillige organisasjon for personar med speleproblem og pårørande, Spillavhengighet Norge.
![Bilde av Lill- Tove Bergmo og Fredrik Thorbjørnsen Lillejordet](https://lottstift.no/content/uploads/2024/08/Design-uten-navn-1024x697.png)