Vi jobbar kvar dag for at færre skal oppleve speleproblem, at det skal bli enklare å drive frivilligheit, og at stiftelsane skal tene formåla sine.
Vi fører tilsyn og kontroll, vi forvaltar pengestraumar, bygger kunnskap og gir rettleiing. Med dette leverer vi viktige bidrag til trygge og gode samfunn for alle.
Saman set vi grenser og viser veg.
Organisasjon
Lotteri- og stiftelsestilsynet er underlagt Kultur- og likestillingsdepartementet og
er staten sitt forvaltningsorgan på områda pengespel, stiftelsar og frivilligheit. Dei tre områda har
felles stabsfunksjonar og direktør.
Overordna mål for 2025
Kultur- og likestillingsdepartementet gir rammene for arbeidet vårt gjennom eit tildelingsbrev vi får kvart år.
Tildelingsbrevet er vårt viktigaste styrande dokument. Dette tydeleggjer måla våre, og krav og forventningar til oss.
Måla i tildelingsbrev for 2025 er å
- sikre ansvarlige pengespel, forebygge speleavhengigheit og negative sosiale
konsekvensar av pengespel- og lotteritilbodet - legge til rette for at overskot fra pengespel og lotterier går til til helse- og
rehabiliteringsformål, samfunnsnyttig og humanitært arbeid, idrett og kultur - legge til rette for ei effektiv og trygg forvaltning av tilskot til frivilligheita
- sikre ei forsvarlig forvaltning av stiftelsar og auke kunnskapen om deira
samfunnsmessige betydning - bidra til at tilsynet er leiande i å bygge og formidle kunnskap og truverdig informasjon
om pengespel, stiftelsar og støtteordningar for frivilligheita
Tildelingsbrevet for 2025 kan du lese her (pdf).
Strategien vår
Lotteri- og stiftelsestilsynet sin strategi gir retning for utviklinga fram mot 2028. Strategien skal støtte opp om samfunnsoppdraget og ruste oss til å nå dei overordna måla.
Vi jobbar målretta for at
- færre skal oppleve speleproblem
- det skal bli enklare å drive frivilligheit
- stiftelsane skal tene formåla sine
Derfor skal vi
- Vi skal ha den beste og mest oppdaterte kunnskapen av relevans for samfunnsoppdraga våre
- Vi skal ha iver og evne til å formidle og dele kunnskapen vår med dei som har nytte av den
- Gode system og metodar for å bygge og dele kunnskapen, både internt og eksternt, blir avgjerande
- Målretta kompetanseutvikling, evne til å halde på tilsette, og god rekrutteringskraft, skal sikre oss rett kompetanse for framtida
- Vi skal vere ein lærande organisasjon med blikk for å forenkle og forbetre arbeidsmetodar, prosessar og tenester
- Vi skal bidra til reduserte klimagassutslepp, naturfotavtrykk og energibruk i verksemda
- Solid kompetanse på teknologi og evna til å nytte denne målretta vil gjere oss meir effektive og sikre gode tenester
- Det vil vere viktig med god innsikt i målgruppene og brukarane våre
- God samhandling – både internt og eksternt – skal gjere oss betre i stand til å levere godt på samfunnsoppdraga våre
- Klargjering og tydeleggjering av roller og ansvar, og god organisering, skal bidra til at vi jobbar smartare og meir effektivt
- Vi legg vekt på tidleg involvering og god kommunikasjon med avdelingar, stabar og andre organisasjonar
- Det skal bli tydelegare for omverda kven vi er, kva vi driv med, og verdien vi har for samfunnet
- Gjennom å vere tydelegare på verdien for samfunnet styrkar vi omdømet, rekrutteringskrafta og den interne kulturen
- Gjennom styrka rekrutteringskraft sikrar vi god kompetanse for framtida
- Som tilsyn skal vi vere tydelege og rettferdige, og sikre god rettleiing
Lotteritilsynet – avdeling for pengespel
Lotteritilsynet fører tilsyn og kontroll med dei statlege pengespela for å sikre at dei held seg innanfor rammene som gjeld for ansvarlege pengespel. Vi jobbar også for å sikre at aktørar som driv ulovleg, ikkje skal få fotfeste. Vi arbeider med å hindre kampfiksing og manipulering av idrettskonkurransar, og vi følger opp kvitvaskingslova på lotteri- og pengespelfeltet. Lotteritilsynet sørger for at spelemidlar frå dei regulerte aktørane kjem det norske samfunnet og frivilligheita til gode.
Avdeling for pengespel jobbar i hovudsak med
- tilsyn med Norsk Tipping og Norsk Rikstoto.
- tilsyn med ulovlege pengespel.
- tilsyn med spelmarknaden etter kvitvaskingslova.
- arbeid mot kampfiksing.
- kontroll av bingosektoren og godkjenning av medhjelparar.
- lotteriløyver og rekneskapskontroll.
- regelverksarbeid, utgreiing og statistikk.
Lotteritilsynet – avdeling for frivilligheitsstøtte
Lotteritilsynet har også ansvar for å forvalte fleire tilskotsordningar til frivillige lag og organisasjonar. Det er etablert ei eiga avdeling som jobbar med tilskotsforvaltning. Lotteritilsynet er den største statlige tilskotsforvaltaren til frivilllige organisasjonar.
Avdeling for frivilligheitsstøtte jobbar med
- fordeling av momskompensasjon til frivillige lag og organisasjonar, både den generelle ordninga og den som gjeld idrettsanlegg.
- fordeling av delar av overskotet til Norsk Tipping.
- fordeling av straumstøtte til frivillige organisasjonar.
- fordeling av tilskot til frivilligsentralar.
- tilsyn med grasrotmottakarar.
- regelverksarbeid, utgreiing og statistikk.
- ansvar for tilskudd.no. Nettstaden gir oversikt over statlege tilskot til frivillige organisasjonar.
Stiftelsestilsynet
Stiftelsestilsynet skal sikre at norske stiftelsar driv lovleg og i tråd med formåla, men også bidra til at stiftelsar er ein attraktiv måte å utvikle samfunnet på. Vi rettleier og fører tilsyn med norske stiftelsar. Dessutan jobbar vi med å dele kunnskap om rolla stiftelsar speler i det norske samfunnet. I tillegg godkjenner vi endringar i private beslagsforbod, bandlagd pliktdelsarv, uråderettsklausular og samvirkeføretak.
Stiftelsestilsynet arbeider med
- tilsyn og kontroll med norske stiftelsar.
- å behandle søknadar om å opprette, endre eller avvikle stiftelsar.
- regelverksarbeid, utgreiing og statistikk.
- å auke kunnskapen om stiftelsars samfunnsmessige betydning.
- nokre andre avgrensa område, som gjeld dekningslova, arvelova og samvirkelova.