Lotteri- og stiftelsestilsynet er eit statleg organ med to fagtilsyn. Lotteritilsynet og Stiftelsestilsynet har felles direktør og stabsfunksjonar: Kommunikasjon og strategi, økonomi og verksemdstyring, IT og dokumenthandtering og organisasjon og personale.
![Bilde av organisasjonskart. Lotteri og stiftelsestilsynet har felles direktør og felles fagstabar: Kommunikasjon og strategi, organisasjon og personale, økonomi og verksemdstyring., IT og dokumenthandtering. To tilsyn med tre avdelingar: Lotteritilsynet pengespel, Lotteritilsynet frivilligheitsstøtte og Stiftelsestilsynet.](https://lottstift.no/content/uploads/2023/11/Organisasjonskart-1024x548.png)
Tildelingsbrev og styrande dokument
Vi er underlagt Kulturdepartementet, og dei gir rammene for arbeidet vårt gjennom eit tildelingsbrev vi får kvart år.
- Tildelingsbrevet er vårt viktigaste styrande dokument. Dette tydeleggjer måla våre, og krav og forventningar til oss. Tildelingsbrevet for 2024 kan du lese her (pdf).
- Strategien fortel korleis vi skal styrke oss som organisasjon dei næraste åra, for å kunne levere godt på det ansvaret og dei oppgåvene vi blir tildelt.
- Verksemdsplanen er vår operasjonalisering av tildelingsbrevet og strategien. Den blir revidert årleg.
Strategien til Lotteri- og stiftelsestilsynet
Lotteri- og stiftelsestilsynet har fire strategiske satsingsområde fram mot 2028. Den skal hjelpe oss å levere godt på samfunnsoppdraget og nå måla våre.
![Sluttplakat som viser strategien. Tekst på nettsiden viser det samme under.](https://lottstift.no/content/uploads/2024/07/Sluttdokument-kortversjon-1024x576.png)
Vi jobbar målretta for at
- stiftelsane skal tene formåla sine
- det skal bli enklare å drive frivilligheit
- færre skal oppleve speleproblem
Derfor skal vi
- Vi skal ha den beste og mest oppdaterte kunnskapen av relevans for samfunnsoppdraga våre
- Vi skal ha iver og evne til å formidle og dele kunnskapen vår med dei som har nytte av den
- Gode system og metodar for å bygge og dele kunnskapen, både internt og eksternt, blir avgjerande
- Målretta kompetanseutvikling, evne til å halde på tilsette, og god rekrutteringskraft, skal sikre oss rett kompetanse for framtida
- Vi skal vere ein lærande organisasjon med blikk for å forenkle og forbetre arbeidsmetodar, prosessar og tenester
- Vi skal bidra til reduserte klimagassutslepp, naturfotavtrykk og energibruk i verksemda
- Solid kompetanse på teknologi og evna til å nytte denne målretta vil gjere oss meir effektive og sikre gode tenester
- Det vil vere viktig med god innsikt i målgruppene og brukarane våre
- God samhandling – både internt og eksternt – skal gjere oss betre i stand til å levere godt på samfunnsoppdraga våre
- Klargjering og tydeleggjering av roller og ansvar, og god organisering, skal bidra til at vi jobbar smartare og meir effektivt
- Vi legg vekt på tidleg involvering og god kommunikasjon med avdelingar, stabar og andre organisasjonar
- Det skal bli tydelegare for omverda kven vi er, kva vi driv med, og verdien vi har for samfunnet
- Gjennom å vere tydelegare på verdien for samfunnet styrkar vi omdømet, rekrutteringskrafta og den interne kulturen
- Gjennom styrka rekrutteringskraft sikrar vi god kompetanse for framtida
- Som tilsyn skal vi vere tydelege og rettferdige, og sikre god rettleiing
Lotteritilsynet
Lotteritilsynet blei oppretta 1. januar 2001, og har i dag to avdelingar.
Avdelinga for pengespel jobbar i hovudsak med:
- Tilsyn med Norsk Tipping og Norsk Rikstoto.
- Tilsyn med ulovlege pengespel.
- Tilsyn med spelmarknaden etter kvitvaskingslova.
- Arbeid mot kampfiksing.
- Kontroll av bingosektoren og godkjenning av medhjelparar.
- Lotteriløyver og rekneskapskontroll.
- Regelverksarbeid, utgreiing og statistikk.
Avdelinga for frivilligheitsstøtte jobbar i hovudsak med:
- Fordeling av momskompensasjon til frivillige lag og organisasjonar, både den generelle ordninga og den som gjeld idrettsanlegg.
- Fordeling av delar av overskotet til Norsk Tipping.
- Fordeling av straumstøtte til frivillige organisasjonar.
- Fordeling av tilskot til frivilligsentralar.
- Tilsyn med grasrotmottakarar.
- Regelverksarbeid, utgreiing og statistikk.
Stiftelsestilsynet
Stiftelsestilsynet blei oppretta 1. januar 2005, og tok over ansvaret for stiftelsar som Fylkesmannen hadde tidlegare.
Stiftelsestilsynet jobbar i hovudsak med:
- Tilsyn og kontroll med norske stiftelsar.
- Å behandle søknadar om å opprette, endre eller avvikle stiftelsar.
- Regelverksarbeid, utgreiing og statistikk.
- Å auke kunnskapen om stiftelsars samfunnsmessige betydning.
- Nokre andre avgrensa område, som gjeld dekningslova, arvelova og samvirkelova.